Kólumbía, 100% hreint, lífrænt kakó - 450g

100% lífrænt & hreint seremóníu Cacao frá Kólumbíu 

*FRÍTT að senda pantanir fyrir 19.500kr eða meira!*
Halda áfram að versla...

• 100% hreint & lífrænt kakó frá Arhuaco ættbálknum í Kólumbíu

• Kemur í grófu duftformi

• Fairtrade

• Tillögur að notkun: Seremóníukakó eða aðrir ljúfir drykkir, heimagert súkkulaði, í þeytinginn, bakstur eða eldamennskuna

• Kemur í niðurbrjótanlegum og endurunnum umbúðum

FRÁ ARHUACO ÆTTBÁLKNUM
Kólumbíska kakóið kemur beint frá Arhuaco ættbálknum sem býr í Sierra Nevada í Kólumbíu. Þetta kakó vex lífrænt, á afar gömlu landi, og hefur gert í aldanna rás. Það hefur verið blessað með hreinum ásetningi og anda Arhuaco ættbálksins. 

Kakóið vex við hlið annarra lækningajurta og tekur inn áhrif anda ættbálksins sem ræktar það. 

Arhuaco trúa því að þeir geti deilt visku og kennslu forfeðra sinna í gegnum það sem þeir rækta, að þú, á meðan þú drekkur þetta kakó, getir fundið fyrir sögu þeirra, vitneskju og hugsunum. 

FERLIÐ
Kakóið vex, er uppskorið og unnið á vistvænan hátt eftir hefðum og venjum Arhuaco ættbálksins. Eftir að kakófræbelgirnir hafa verið uppskornir eru baunirnar gerjaðar. Síðan eru þær sólþurrkaðar og léttristaðar. Þar á eftir er hýðið tekið af baununum og þær steinmalaðar í deig. Engu er bætt við og ekkert fjarlægt sem er mjög mikilvægt þar sem það þýðir að náttúruleg fita er enn til staðar í kakóinu og það hjálpar líkamanum við upptöku þeirra fjölmörgu næringarefna sem finnast í kakóinu. 

Þetta kakó er ræktað á landi þar sem ekki er mikil eldfjallavirkni og því hefur kakóið ekki háan stuðul þungamálma né kadmíum. 

HJARTAOPNANDI
Kakó hefur verið notað í seremóníur í margar aldir. Það er ekki aðeins þekkt fyrir að vera hjartaopnandi heldur einnig opna fyrir blóðflæði um allan líkamann. Kakóið getur hjálpað til við að finna meiri kærleika til sjálfs sín og tengingu við tilfinningar og hjartað og það sem þar býr.

Þetta kakó kemur kemur í grófu duftformi.

Halda áfram að versla...